رد: للطلبات والإستفسارات الفنية ....
اقتباس أخ ناصر هل تعد لوحاتك لتكون جاهزه للرسم بنفسك أم انك تشتريها جاهزه؟ ان كنت تعدها بنفسك فقل لي كيف لان لي طريقة قديمه ولعل لكم طرق أخرى أحدث من طريقتي ، فقد شاهدت بعض الفنانين يستعمل ورق الزجاج للحف ، وكذلك يطلي مادة فوق المادة البلاستيكيه قبل الرسم ، طريقتي باختصار هي المجيء باطار خشبي خاص ثم شده بقطعة من القماش الأبيض( المنصوري ) وطلاؤه بمادة بلاستيكيه ( الأملشن) وتركه ليجف ويصبح كالطبله هلابك أخوي وائل كنت أشد اللوحات بنفسي بس هالحين لقيت محل بالرياض أسعار لوحاته أرخص من تكاليف شد اللوحات بنفسي يعني أسعار لوحات الكانفس << القماش مثلا 100 * 70 سم بــ 12 ريال ولوحة 120 * 90 سم بــ 15 ريال يعني هالحين ما أشد إلا اللوحات الكبيره يعني بطول 180سم فمافوق اللوحات الي يصعب نقلهن من المحل وصعوبة المشاركة بالمعارض بسبب صعوبة النقل والمبالغ الكبيره التي تؤخذ عليها عن طريق شحنها في المطار وغير ذلك .. طريقتي بشد اللوحات سهل جدا عندي جدار كامل في المرسم مثبت بكامله أبلكاش خشب أثبت وأشد قطعة القماش على الجدار بدباسة الحائط أطليها بغراء الخشب الأبيض المضاف معه الماء تجف بعد نصف ساعه وهذه الطريقه ممتازه للذي لايوجد له حامل لوحات << عندي حاملين لوحات بس هالطريقه أحلى وبعد الانتهاء من العمل نفك الدبابيس ثم تشد خلف البرواز بدون اطار خشب ولابد من الذي يريد التخصص في هذا المجال ان تكون الادوات عنده متوفره أناعندي منشار كهربائي زاويه يعني البراويز يكون شغلها سهل علي والي هوايته الفن التشكيلي وكان الانتاج عنده وفير بيتكلف وتروح فلوسه إذا كان اعتماده باخراج لوحاته على المحلات التجاريه لذلك ما أجمل أن أعتمد على نفسي أدواتي وخاماتي ما أعقد نفسي فيهن يعني كلما قدرت أعوض الخامة من أشياء حولي أحسن يعني أدور البديل بشكل جدي إلا ألوان الزيت ما قدرت عليه لأنه يحتاج صخور مو موجوده في بيئتنا لأنه وكما هو معلوم ألوان الزيت كانوا الفنانين القدام مثل مايكل انجلو وشلته يحضرون صخور معينه ( لكل لون صخره معينه) <<< فيه صخور موجوده في بيئتنا ولكنها ليست كامله تم يطحنون الصخور حتى يكون كالرماد ثم يضعونها بزيوت معينه ثم تحفض في علبه وأشهر الزيوت زيت بذرة الكتان وهناك أنواع أخرى ولكل نوع من الزيوت استخدام معين كأن يكون أحد الزيوت مسرعا في جفاف العمل وأقولكم حاجه حاولو تبعدون عن الإشياء الجاهزه قدر الإمكان لكي ننمي روح الإبتكار اقتباس ولي سؤال آخر وهو بماذا تغسل الفرشه وتميع اللون أبمادة نفطيه كما نصنع ، أم بمادة زيتيه تحافظ على اللون ولمعانه وأنا أرسم <<<< مايمدح روحه أبد خاصه الزيت مجرد ألوان زيت وقاز <<< أرخص من الزيوت القاز أحل فيه اللون ويسهل انتشار اللون باللوحه كخلفيه بدون استهلاك للون كذلك القاز أفضل شي لتنضيف الفرش والسكاكين وكل شيء بدون اضافة زيت للون أضيف قاز وللمعلوميه ألوان الزيت العصاره تكون ممزوجة بالزيت وهي داخل العلب يعني مايحتاج الزيت المخفف لأن القاز يخفف أفضل من الزيوت كذلك الزيت المجفف فالقاز يجعل اللوحة تجف بأسرع وقت كذلك الزيت اللماع ( الذي يعطي العمل لمعه تضهر جمال اللوحه ) يمكنك الإستغناء عنه فبعد الإنتهاء من العمل ترش ورنيش شفاف على اللوحه وتعال شف اللمعه الي على الأصول مو لمعة الزيت المكلف ماديا وبما انك راعي رش بالمكينه يكون تمام لرش الورنيش والي ماعنده مكينه يجمع أعماله ويمر على ورشه دهانات ويقول لهم يرشونها بورنيش شفاف << مو ورنيش عادي لأن العادي يغير لون اللوحه ويشوهها وماراح تزيل الورنيش أبد << يعني تذكر --- شفاف --- وأكثر أنواع القماش استخداما عندي نوع من قماش الخيام موجود بالغرابي وإذا بغيتوا أرخص محل لبيع لوحات القماش وكل شيء أرخص محل مو في الرياض وبس في كل مكان محل اسمه خالد في شارع السويلم الي عند المعيقليه ( تخلي المعيقليه وراك متوجه شمال يجيك على اليسار ) وعندما أباشر الرسم أتعبر بأي شي مو لا زم فرشه معينه أو سكين يعني بدل السكين صفيحة بلاستك تقطعها بالشكل الذي تريد وتعوض عن السكين وإذا بغيت شكل مهين في الرسم وما لقيت الفرشه المناسبه أعوض الشي هذا بأي أداة ممكن تفي بالغرض اسفنج مشط ....... الخ ................... اقتباس أخ ناصر هذه الأمور أرجو منك الفائدة بها ، وأرجو أن تخبرني ان كان حصل معك شيء بقصص الأطفال لا والله ماحصل شي وأنا شخص عادي مالي أي علاقات وأنا وضحت لك سابقا كيف تبرز هوايتك عالميا ......... ... .